由上環海旁，到加拿大楓葉國。

「大笪地」原指舊時香港上環嘅平民夜市，係草根階層搵食、搵樂、搵朋友嘅地方。我哋借用呢個名，向嗰段熱鬧而平等嘅日子致敬。

上世紀五、六十年代，大笪地係香港最有生命力嘅一塊地方。天光打鐵、入夜開檔，講古佬、占卜師、唱戲嘅、賣藥嘅、賣熱辣辣豬腸粉嘅——人聲、燈火、煙火氣樣樣齊全。

時至今日，舊式大笪地已經消失於高樓大廈之間。我哋喺加拿大重現呢個場景，唔止係懷舊，而係想將「平民、共享、共融」嘅精神，帶俾新一代華人同本地朋友。

每一次市集，我哋邀請 45 至 50+ 香港小店、手作職人、藝術家同表演者，一齊砌出獨一無二嘅街頭風景。現場有 Busking 音樂、DJ 廣東歌 Party、燈籠打卡區、免費遊戲攤位、懷舊報紙相片拍攝同抽獎環節——一個夜晚，重溫一整個年代。